Su fèstival literàriu AutOutAut est unu progetu artìsticu itineranti chi sighit unu camminu
culturali e sociali in s’arrastu de s’autismu, cun s’idei de prommovi progetus de vida po
dònnia persona autistica chi siat de apògiu e integratzioni de sa lei asua de su apustis de
nosu (n.112/2016).
AutOutAut pigat su nòmini de su cuncetu de su filòsufu Soren Kierkegaard (L’Enter-Eller,
nau fintzas Aut Aut), chi bit sa vida pretzida in dus stàdius: unu chi est indiferenti a is
princìpius e a is doveris moralis, in custu casu, s’indiferèntzia po sa diversidadi e su
disàgiu/discumbèniu chi ndi benit; s’atru chi si fundat asuba de su doveri eticu e asuba de sa
responsabilidadi cun su sinnu, po nosu de Diversamente Odv, chi is artis torrint a agiudai su
sociali.
S’Out chi spratzit is dus Aut est su foras chi pòmpiat impari is dus estremus de su cuncetu,
anca teneus is diferèntzias e is piessignus de dònnia persona chi tenit su deretu de èssi
arreconnota persona, cun is piessignus cosa sua. Po cumprendi s’atru, difatis, no arrechedit
a ddu serrai in d-una eticheta genèrica (is autìsticus, po nai).
Donniúnu tenit s’identidadi cosa sua chi podit tenni facis medas. AutOutAut s’at a interessai
de rapresentai custas molteplicidadis. E dd’at a fai in d-una maneda noa, cun sa litaradura,
sa poesia, su teatru e sa mùsica in d-unu scurri performativu continu. Si dònnia persona est
diversa de un’antra, una autìstica est diversa de un’antra persona autìstica.
Sa de tresi editzioni de su festival tenit cumenti tema “Sa mira, su filu, s’abetu” (“Lo sguardo,
il filo, l’attesa”), ispirau asuba a is personàgius de is romanzus e su teatru de Samuel
Beckett.